ආරම්භය……

මෙච්චර කල් බ්ලොග් කියව කියව උන්නු මමත් බ්ලොග් එකක් පටන් ගන්න හිතුවා. මම ගැන පොඩි විස්තරයක් කියලම වැඩේ පටන් ගන්නම්. මගේ ගම දංකොටුව. ඒත් දැන්නම් ඉන්නේ නේපල්ස් (Naples) වල. හරියටම අවුරුදු 25 පිරුණු දාට පහුවදාම මෙහෙට එන්න ලැබුනා.

මෙහෙට ඒ කියන්නේ ඉතාලියට එන්න මම ඉන්න ප්‍රදේශයේ ගොඩක් අය සිහින දකිමින් ඉන්නවා. කොටින්ම කියනවනම් මීගමුව ඉඳන් හලාවත වෙනකම් ඉන්න ජනතාවගෙන් වැඩි කොටසක් දැන් ඉන්නේ මෙහේ. ඒත් ලංකාවේ ඉන්නකොට දකින ඉතාලියයි මෙහෙට ආවට පස්සේ දකින ඉතාලිය යයි කියන්නේ බොහොම වෙනස් තැන් දෙකක්. ඒ කට්ට ඉතින් කාලම බලන්න ඕනා. මම ඒ ගැන වෙනම ලිපියකින් කතා කරන්නම්.

ඇත්තටම මම බ්ලොගයක් පටන් ගන්න හිත හිත ඉද්දි අපේ පොතේ ගුරා සහෝදරයා ආරධනා කලා බලන චිත්‍රපටි ගැන හැදින්වීම් කරන්න. ඉතින් මමත් චිත්‍රපටි බලන්න හරිම රුසියනේ 😀 . මමත් ලිපි 3-4 ලිව්වා. ඒකෙන් ඉතින් මම මේ වැඩේ පටන් ගන්න එක ඉක්මන් උනා. ඒකේ ස්තුතිය යන්න ඕනා ඉතින් පොතේ ගුරා සහෝදරයට.

අදට මේ ඇති. මම ආරධනා කරනවා හැමෝටම මම ලියන දේ වල හොඳ, නරක, වැරදි, පෙන්වන්න කියලා. ඕනා දෙයක් බාර ගන්න සූදානම්. එහෙනම් පස්සේ දවසක හමු වෙමු.