බයිස්කෝප් සිංහලෙන් හා මම! III


ඔන්න හිතුවට වඩා ලිපිය දික්වේගෙන යන නිසා තුන් වෙනි කොටසත් ලිය වෙනවා. අදනම් ඉවර කරනවමයි.😛

මුල් කොටස කියවපු අය දෙවෙනි කොටසත් කියවන්න ඇතිනේ…

දෙවෙනි කොටස ඉවර වුණේ මට ලැබුණු වැදගත්ම නිවේදනයෙන් නේ. ඔන්න මමත් අහගෙන ඉඳලා කිව්වා ” මචෝ මම ටයිප් කරන්නේ UCSC real time unicode converter එකෙන්නේ. නිවාඩු දවසේ කොහොමද කරන්නේ? මොකද ගෙදරට ජංජාලේ නැහැනේ ” කියලා. එතකොට තමයි ගුරා මට කිව්වේ ඒ පේජ් එකම සුරැකි කර ගත්තහම නෙට් නැතිවම යුනිකෝඩ් වලට හැරවෙන බව. ඒකමයි කාරිය කියලා මමත් හා කියලා වැඩේ බාර ගත්තා. අපි කරන්න ගත්තේ සයිට් එකේ උපසිරැසි සමඟ දීපු චිත්‍රපටි වලින් දෙවෙනියට දීපු The Shawshank Redemption [1994] චිත්‍රපටියයි. ගුරා හා මම තමයි කරන්න පටන් ගත්තේ. මම අගින් පටන් ගත්තා. පොර මුල හරියෙන් 200ක් විතර ඒ වෙනකොටත් කරලා බලලයි තිබ්බේ. මම ගෙදර ගිහින් පටන් ගත්තයි කියමුකෝ…. ලයින් දෙක තුනක් දාලා ඒක play කරලා බලපුවම ආපු සතුට ගුරාගෙන්ම උස්සපු වචන වලින් කියනවනම් රොම්බ හැපි.😛


චිත්‍රපටියේ ලයින් ඔක්කොම 1686 තියෙනවා. මම මුලින් 500ක් කරන්නම් කියලයි කිව්වේ. හැබැයි ආපු ගැම්මට මම 500 ඉරිදා දවස වෙද්දි කරලා තිබ්බ නිසා වැඩිපුරටත් එක්ක කළා. ඒත් මම බය වුණා ගුරා ඒ හරියට එනකම් කළොත් අපරාදේ නේ කියලා. ඒත් මම ගාව පොරගේ අංකය නොතිබුන නිසාත් ආපහු ජංජාලෙට එනකම්ම ඉන්න වුණා පොරට මම වැඩිපුර කළා කියලා කියන්න. අනේ ඒත් බැලින්නම් පොර සෙනසුරාදා කරපු හරියෙන් අඩියක්වත් හොල්ලලා නෑ. ඔය අතර ගුරා ලිපියකුත් දැම්මා වැඩි කට්ටියක් සම්බන්ධ කර ගන්න. ඒත් ඒ වැඩේ අසාර්ථක වුනා. කොහොමින් කොහොමින් හරි ඒ සතිය ඇතුලත මම 1686 න් ගුරාට 500 ක් ඉතුරු වෙන්න ඉතුරු 1186 ම කරලයි තිබ්බේ.😛

ගුරා එයාට ඉතුරු වුණු ලයින් 500 කරලා එලියට දාන්න කල් අදින නිසා මම තනියම වෙන චිත්‍රපටියක් පටන් ගත්තා. ඒ නිසා තමයි මම මුලින් කරපු චිත්‍රපටියට කලින් මම දෙවෙනියට කරපු Deja.Vu [2006] චිත්‍රපටිය බයිස්කෝප් සිංහලෙන් අඩවියේ උපසිරැසි සමඟ දීපු පළවෙනි චිත්‍රපටිය විදියට එලි දැක්කේ.

ඔය තමයි මාව මේ බ්ලොග් අවකාශයේ ගොඩ දෙනෙක් අඳුන ගත්ත ආකාරයේ ආරම්භය වුණේ. ඒ වගේම මටත් මේ බ්ලොග් අවකාශයේ ඉන්න සුන්දර මිනිස්සු ගොඩ දෙනෙක්ව අඳුන ගන්නත් බයිස්කෝප් අඩවිය කදිම තෝතැන්නක් වුණා. නම් වශයෙන් මම කියන්න ගියොතින් මට සෑහෙන්න ලියන්න වෙන නිසාත් අතපසුවීමක් වුනොත් හොඳ නැති නිසාත් මම නම් වශයෙන් නොකියා ඉන්නම්.

2009 සැප්තැම්බර් මාසයේ පටන් ගුරාට පැමිණෙන කාර්යබහුලත්වය හමුවේ බයිස්කෝප් අඩවිය කණ්ඩායමක් වෙතට බාර දෙනවා. ඒ කණ්ඩායමට මමත් අයිති වීම ගැන නම් මම පුදුමාකාර සතුටක් ලැබුවත් මම ඇඩ්මින් කෙනෙක් වීම ප්‍රතික්ෂේප කලා. 2009 අගෝස්තු මුල ඉඳන්ම ගුරා මට ඇඩ්මින් කමක් බාර ගන්න කරදර කලත් මම අඩුම ගානේ මූණු පොතේ බයිස්කෝප් ගෲප් එකෙවත් මම ඇඩ්මින් කම බාර ගත්තේ නැහැ. ඒත් අපේ නව නියමුවා වන ගෝල සහෝදරයා ඇඩ්මින් කම මට බලෙන්ම පැටෙව්වා.😛

මේ වන විට මම බයිස්කෝප් සිංහලෙන් අඩවියට ලිපි 65ක් ලබා දී තිබෙනවා. ඉන් ලිපි 18කටම උපසිරැසි ලබා දී තිබෙනවා. මම විසින් නොලිවු ලිපි 3 කටද උපසිරැසි ලබා දී තිබෙනවා. ඒ කියන්නේ උපසිරැසි 21 ක් මේ වන විට ලබා දී තිබෙනවා. උපසිරැසි චිත්‍රපට අතුරින් චිත්‍රපට 5 හවුල් නිෂ්පාදන වශයෙන් එලි දක්වපු ඒවා. ඉන් චිත්‍රපටි තුනක් සඳහා සරදියෙලුත්, ඉසිර හා වාසල විසින් එක් චිත්‍රපටයක් වශයෙනුත් තමයි බෙදී යන්නේ. ඒ වගේම මේ වෙනකොට බයිස්කෝප් සිංහලෙන් අඩවියේ වැඩිම ප්‍රතිචාර ලැබූ ලිපි 6 ඇතුලත පළමු හා දෙවෙනි ස්ථාන දෙකද ඇතුළුව ලිපි 4 ක්ම මා විසින් උපසිරැසි දාපුවා ඒවා වීම මට සියුම් ආඩම්බරයෙකුත් ගේනවා.

ඒ අතරම දැනට වැඩිම ප්‍රතිචාර ලබපු ලිපිය වෙච්ච avater චිත්‍රපටියේ උපසිරැසි නිසා මට සමාජ සත්කාරයකට වක්‍රව හරි දායක වෙන්න ලැබීමත් මම ලබපු ලොකු ගෞරවයක්. ඒ සඳහා මුල් වුණේ මහේෂ් රාජසූරිය මහතායි. එතුමා මුල් වී මෙම ආයතනයේ අසරණ රෝගීන්ට උදවු කරන්න රැස් කරන අරමුදල තර කර ගැන්මට ඇවටාර් සිංහල උපසිරැසි සමඟ පෙන්වූවා. එයට වක්‍රාකාරයෙන් හරි අපිව දායක කර ගැනීම ගැන එතුමාට ස්තූති වන්ත වෙනවා.

ඒ එක්කම ඉතින් මම ඇතුළු අනිකුත් උපසිරැසි දාන අයගේ උපසිරැසි අනවසරයෙන් පිටපත් කරගෙන පිටකොටුවේ විකුණනවලුනේ. ඒ ගැන මුලින්ම එලි කලේ අපේ Dar[K] සහෝදරයා එයාගේ දිනපොතෙනුයි. මොනා කරන්නද ඉතින් මේ ලංකාව නොවැ.😛

හොඳයි මේ ඔක්කොම ලොකු කමකට කිව්වා නෙවෙයි. මේක තමයි මගේ බයිස්කෝප් සිංහලෙන් අඩවියත් එක්ක තියෙන සබඳකමේ ආරම්භයේ සිට අද දක්වා ගලාගෙන ඒම. හැබැයි අද වෙනකම් මේ ලිපි තුනේම නම් සඳහන් වෙච්ච පොතේ ගුරා ඇතුළු කිසිම කෙනෙක්ව දෑහට දැකලා කතා බහ කරල නම් නැහැ. හැබැයි බොහොම ලෙන්ගතු සම්බන්ධයක් හැමෝම එක්ක තියෙනවා කිව්වොත් මම හිතන්නේ මම වැරදි නැහැ.

නම් වශයෙන් නොකීවත් කමෙන්ට් වල කියවෙන හැම වචනයක් වචනයක් පාසා මට ධෛර්යය දෙන කට්ටියව ආදරයෙන් මතක් කරනවා. ලංකාවට ආපු දවසක කට්ටියවම හම්බවෙන්න ලොකු ආශාවක් නම් තියෙනවා. බලමු නේ.

එහෙනම් තවත් උපසිරැසි චිත්‍රපටි හා ලිපි සමග හමුවෙමු.

  1. March 24, 2010 at 6:05 am

    තවත් එක් සත්‍ය කතාවක්. එල එල. වැඩි වැඩියෙන් උපසිරසි දාන්න ශක්තිය ලැබේවා.

    • රොයිලි ප්‍රනාන්දු
      March 29, 2010 at 1:16 am

      එල එල ස්තූතියි සහෝ. ඒත් කෝ මචෝ ඔයාගෙන් කාලෙකින් සබ් එකක්වත් ලිපියක්වත් ආවේ නැහැනේ😦

      • March 29, 2010 at 10:19 am

        නෑ බන්z මේ දවස්වල පොඩි ලවුස්ටෝරියක් ලියාගෙන යනවා. ඉස්සරහට අනිවා එල ෆිල්ම් එකකට සබ් එකක් දෙනවා.

  2. March 24, 2010 at 6:19 am

    අපි ඔබ සමගයි….

    • රොයිලි ප්‍රනාන්දු
      March 29, 2010 at 1:16 am

      ස්තූතියි සහෝ😛

  3. Manula Nayanatharu
    March 24, 2010 at 7:16 am

    Jaya wewa…….

    • රොයිලි ප්‍රනාන්දු
      March 29, 2010 at 1:18 am

      ස්තූතියි මචෝ😛

  4. March 24, 2010 at 10:57 am

    තව චිරාත් කාලයක් ඔබට අපව පිනවන්න ලෑබේවා.
    සිංහල සබ් GURU ට අපගේ ආචාරය.

    • රොයිලි ප්‍රනාන්දු
      March 29, 2010 at 1:20 am

      ඔන්න ඔන්න ඉතින් ගුරු කතා ඇදලා ගන්න එකනේ ඉතින් මට අල්ලන්නේ නැත්තේ😛

  5. March 24, 2010 at 11:31 am

    එලකිරිස් !! අහ් මම ගැනත් ලියලා නේද? ඒත් ඒකට පොඩ්ඩක් එකතු වෙන්න ඔනේ මටත් ඔය පිටකොටුවේ වෙන සිද්දිය කිව්ව කෙනෙක් ඉන්නවා… නිලන්ග කියලා පොර දැන් සතියකට කලින් රට ගියා වැඩිදුර අධයාපනයට… ..[අවාසනාවට මට ඒ බව මගේ ලිපියේ දාන්න මතක් උනේ නෑ]

    • රොයිලි ප්‍රනාන්දු
      March 29, 2010 at 1:21 am

      අහ් එහෙමද. එහෙනම් පොරටත් ස්තූති කළා කියහන්. උඹලා නොහිටින්න අපි තාමත් ඒ ගැන දැන නොයින්න තිබ්බා🙂

  6. March 25, 2010 at 6:51 am

    යාංතං කතාවේ අනිත් කොටසත් දාලා..
    ඔහොම යං සහෝ.. උඹ ඇත්තටම අතිං පැට්‍රල් ගහගෙන මේ සබ් දමන එකනං සමාජ සත්කාරයක් තමා.
    අර සරා කිව්වා වගේ සිංහල සබ් ගුරු ට අපේ ආචාරය
    -ජය

    • රොයිලි ප්‍රනාන්දු
      March 29, 2010 at 1:24 am

      ඔය ගුරු කතා අනවශ්‍යයයි මචෝ. අනිවා අතිනුත් පැට්‍රල් ගහගෙන කළාට කමෙන්ට් වැටෙද්දි මහන්සිය අමතකයි සහෝ. එල එල ජය වේවා. හැමෝටම ස්තූති වන්ත වෙනවා.😛

  7. vidura
    March 25, 2010 at 5:06 pm

    එලකිරි Royly අයියා .අපෙ ෆුල් සප් එක අපි දෙනවා.

    • රොයිලි ප්‍රනාන්දු
      March 29, 2010 at 1:27 am

      එල එල ස්තූතියි සහෝ🙂

  8. chamila
    March 26, 2010 at 5:58 am

    එළ මචං දිගටම විස්තරේ දාපන්… උඹ බයිස්කෝප් එකට දාපු එකක් නම් මං අනිවා බානවා එත් මන් දන්නේ නැ ඒ ඇයි කියලා.. මේ දවස් වල වැඩ අධික නිසා බයිස්කෝප් පැත්තේ කරක්ගහන්නත් බැරි වුනා..

    • රොයිලි ප්‍රනාන්දු
      March 29, 2010 at 1:30 am

      එල එල මචෝ උඹලා ඉතින් වෙලාව ලැබුනම අනිවා ඇවිත් යන අයනේ. වැඩ සාර්ථක වේවා කියලා ප්‍රාර්ථනා කරනවා. පුලු පුලුවන් විදියට ඇවිල්ලා කමෙන්ට් එකක් දාල යමන්.🙂

  9. මචං
    March 26, 2010 at 5:55 pm

    රොයිලි අයියා ඵල මුනියා මම දවසතක් මේල් ඵකක් යැව්වා සිංහල උපසිරැසි පොඩි අවුලකට මිනිහා අනිත් පැත්තට මට පිලිතුරැ ඵවලා තිබුනා ඵ් වගේම මම බලපු සිංහල උපසිරැසි චිත්‍රපටි වලින් හොදම උපසිරැසි දුන්නෙ රොයිලි මලයා රොයිලි මලයාට ජය වේවා

    • රොයිලි ප්‍රනාන්දු
      March 29, 2010 at 1:32 am

      ස්තූතියි සහෝ. මම අනිවා මේල් වලට උත්තර යවනවා🙂 මේ දවස් වලනම් අමතක වුණා මේ නෙට් අවුල නිසා. දැන් නම් දිගටම ඉන්නවා🙂

  10. තරිඳු
    March 27, 2010 at 7:55 pm

    ගොඩක් ස්තූතියි අයියා ඔයා මේ කරන දේට..ඇත්තටම කිව්වොත් මෙ වැඩේ මැක්සා(MAXXXXXA)…අයියාව බයිස්කොප් එකෙන් දැනගෙන හිටියට,මේකට සෙට් උන විදිහ දැන ගත්තේ අද නේ…කොහොම උනත් thank u very much

    • රොයිලි ප්‍රනාන්දු
      March 29, 2010 at 1:33 am

      ස්තූතියි සහෝ කමෙන්ට් එකට. දිගටම අපිත් එක්ක ඉන්න🙂

  11. March 29, 2010 at 7:02 pm

    http://www.fpmha.info අරමුදලට අධාර පිණිස චිත්‍රපට මාලාව:

    අවතාරෙන් ප‍ටන් ගත්ත එක දැන් Regular Event එකක් වේගෙන එනවා. මේ සතියේ මොකද්ද පෙන්නන්නේ කියාලා අහනවා කට්ටිය. Patch Adams පෙන්නුවා. ලබන වර Rabbit Proof Fence පෙන්නන්න ඉන්නවා‍.

    බොහොම පින් කරපු උදවුවට. One Flew Over The Cuckoo’s Nest එකටත් සබ් දැම්මොත් මරු.

    • රොයිලි ප්‍රනාන්දු
      March 31, 2010 at 6:59 pm

      ඒකත් එහෙමද?

      බලමු මම සබ් දාන්න උත්සහයක් දෙන්නම්කෝ🙂

  12. June 9, 2010 at 6:36 am

    එළ මචං එළ නියමයි..! උඹ නම් මේ කරන්නෙ මාර ජාතික සේවයක්. උඹ පොතේ ගුරාත් එක්ක එකතුවෙලා ඔය සිංහල උපසිරැසි වැඩේ පටන් ගත්තයින් තමයි හැමෝටම මාර කික් එකක් ආවෙ ඔය දේ කරන්න. ඒ නිසයි අපිට උඹෙන් වගේම අනිත් අයගෙනුත් දැන් නිතරම සිංහල උපසිරැසි එක්ක බලන්න පුළුවන් බයිස්කෝප් හම්බෙන්නෙ.

    මමත් හදවතින්ම සුභපතනවා උඹට මේ ජාතික සේවය දිගටම කරගෙන යන්න හැකිවෙන්න කියලා. ඒ වගේම උඹේ සිංහල typing speed එක දස ගුණයකින් වැඩිවෙන්න කියලත් පතනවා. (එතකොට දස ගුණයක් වැඩියෙන් සිංහල උපසිරැසි ෆිල්ම්ස් බිහිවෙනවනෙ…)😀

    එහෙනම් ජයවේවා!!!

  13. September 26, 2010 at 10:52 pm

    mama kamathioyalath ekka ekathuwela aluth wadak karanna oyalata udau wenna eth sambanda wena widiyak danaganna puluwannam godak lesi. 0714482995

  14. Nadeera sandaruwan
    April 16, 2011 at 10:47 am

    මාරයි!මම Avatar වලින් තමයි ඔයාගෙ උපසි‍රැසි මුලින්ම දැක්කෙ…

  15. October 12, 2011 at 8:08 am

    අයියලා මේ සංහල උපසිරසි දැමීමේ වැඩෙන් අන්තර්ජාලයේ එකතැන පල් වෙවී තිබුන අපේ සංහල භාෂාවට නව පනක් ලැබුනා කියලා මට හිතෙනවා. අත්තම කිව්වොත් මට හිතෙන්නෙ මෙක අපේ සිංහල භාෂාවට කරන සේවයක්. ඔබට ජය!!!

  16. May 15, 2014 at 2:15 am

    thanks br.. jaya wewa..

  17. Pamoda Dilranga
    September 1, 2015 at 8:31 am

    niyamai digatama ohoma yamu.🙂

  1. June 14, 2010 at 6:12 pm

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: