Archive

Posts Tagged ‘sinhalen’

ටොරන්ට් එකක අවශ්‍ය ගොණුව පමණක් තෝරාගෙන බාගත කර ගැනීම.


uTorrent Logo

සමහර රූපවාහිනී කතාංග අඩංගු ටොරන්ට් මෙන්ම විවිධ චිත්‍රපට අඩංගු ටොරන්ට් වල තියෙන අදාළ නොවන ෆයිල් මඟ හැර අවශ්‍ය කොටස් පමණක් බාගත කරගැනීමට පොඩි මඟ පෙන්වීමක් කරන්නයි මම මේ ලෑස්ති වෙන්නේ. මා භාවිතා කරන්නේ µTorrent හී 3.2.3 සංස්කරණයයි.

මෙම තේරීම සිදුකිරීමට ආකාර දෙකක් පවතින අතර ඒවානම් ටොරන්ට් එක එකතු කිරීමට පෙර තේරීම සිදුකිරීම හෝ එකතු කළාට පසු තේරීම සිදුකිරීම වේ.

Read more…

සිංහල උපසිරැසි ශතකය.


100_Logoඅද මට විශේෂ දවසක්. ඒ තමා මේ මගේ සියවැනි සිංහල උපසිරැසිය දෙන දවස වීම. සිංහල යුනිකෝඩ් භාවිතයෙන් බ්ලොග් අවකාශයේ දීපු පළවෙනිම උපසිරැසිය දීලා අවුරුදු හතරක් කිට්ටු වෙන්න ගියපු කාලය තුළ දීපු උපසිරැසි ගාන නම් හොඳටම මදි වුණත් ක්‍රියාකාරීව හිටපු සීමිත කාලය හා සමඟ ගත්ත හම තෘප්තිමත් වෙන්න හැකියාවක් තියෙනවා. හැමදාම වගේ ස්තූතිය යන්න ඕනා කමෙන්ට් එකක් ගානේ මාව දිරිගන්වපු විවිධ ක්‍රමවලින් මට ස්තූතිය පළකරන හැමදෙනාටමයි.ඒ වගේම මාව සිංහල උපසිරැසියක් දාන්න වගේම ලිපි ලියන්න බයිස්කෝප් අඩවියට සම්බන්ධ කර ගත්තු පොතේ ගුරාටත් විශේෂ ස්තූතියක් යන්න ඕනා. එදා වගේම අදත් අතින් කයිට් කරගෙන බයිස්කෝප් අඩවිය කරගෙන යන එකටත්, හිට්ස් බලාගෙන ලිපිය එක තැනකත් උපසිරැසිය තව තැනකත් දාලා රස්තියාදු නොකරන එකටත් චිත්‍රපටි ගැන ඇරෙන්න වෙන කිසිම දෙයක් ගැන කතා නොකරන තැනක් වුණත් ලංකාවේ හොඳම අඩවි 100 ඇතුළෙත් රඳවාගන්න සමත්වීම ගැනත් පොතේගුරාට මෙන්ම සහෝදර ඇඩ්මින්වරුන්ටත් ස්තූති කරන්න කැමතියි. ඒ වගේම ලෝකෙට පේන්න බොරු පම්පෝරි නැතුව සහයෝගයෙන් උපසිරැසි දාන කන්ඩායමක් එක්ක වැඩ කරන්න ලැබීම ගැනත් මම අතීශයින්ම තෘප්තිමත්.
Read more…

සිංහාවලෝකනය


කාලෙකට පස්සෙ මේ පැත්තෙ එන්න ලැබුණා. මකුණුදැලුත් බැඳලද කොහෙද 😛 උපසිරැසි පිටුවනම් නිතර යාවත්කාලීන උණත් කිසිම ලිපියක් කාලෙකින් වැටුන් නැති නිසා ආපහු ලියන්න ගන්න හිතුවා. අන්තිම පෝස්ට් එකෙන් පස්සෙ ගෙවුනු කාලෙ ඇතුළත් ජීවිතයේත් බොහොම වෙනස් කම් සිදුවුණා නේ. 😛 මූණු පොතේ යාළුවන් නම් ඒ බව දන්නවා.

කොහොම වුණත් මම බයිස්කෝප් සිංහලෙන් අඩවිය වෙනුවෙන් සිංහල උපසිරැසි නිර්මාණය කරන බව රහසක් නෙවේනේ. ළඟකදි බයිස්කෝප් සිංහලෙන් අඩවිය ලිපි 1000 සම්පූර්ණ කළා වගේම මමත් මගේ 50 වෙනි සිංහල උපසිරැසි ගැන්වීම විදියට හැමෝම බලාගෙන උන්නු චිත්‍රපටියක් වෙච්ච The Avenger චිත්‍රපටියට ලබා දුන්නා. ඉතින් මම තීරණය කළා මේ චිත්‍රපට පනහ උපසිරැසි දැමීමට තෝරාගැනීමට මුල් වෙච්ච කරුණු කාරණා ගැන ලිපි පෙළක් ලියන්න. අද හෙටම ලියන්න පටන් ගන්නම්කෝ.

එතකම් මම බයිස්කෝප් එකට සම්බන්ධ වෙච්ච ආකාරය ගැන මේ තැන්වලින් දැනගන්නකෝ.
බයිස්කෝප් සිංහලෙන් හා මම I
බයිස්කෝප් සිංහලෙන් හා මම II
බයිස්කෝප් සිංහලෙන් හා මම III

එහෙනම් ඉක්මනින්ම හමුවෙමු. ජය෴෴

To get the best viewing experience for my Sinhala Subtitles


සෑහෙන කාලෙකට පස්සෙ බ්ලොග් එකට පොස්ට් එකක් දානවා. 😛 දැන් ඉස්සර වගේම නිතරම online එන්න වෙන්නෙ නැති නිසා කමෙන්ට් වලටවත් පිළිතුරු දෙන්න බැරිවුනා. ඒකටත් මුලින්ම සමාව ඉල්ලනවා.

Read more…

වාරණය කළ ලිපිය.


The Passion Of The Christ (2004)

උතුම් මිනිසෙකුගේ අවසන් පැය කිහිපය [සිංහල උපසිරැසි සමගින්]

අද මහ සිකුරාදා. කතෝලිකයින් ඇතුළු සියළු ක්‍රිස්තියානු භක්තිකයින්ට අද උතුම් දවසක්. අද වන් දිනෙක තමයි දෙවියන් වහන්සේ එවා වදාල තමුන්ගේ පුතාව මිනිසුන් විසින් කුරුසියේ ඇන ගසා මරා දැමීම සිහිකරණු ලබන්නේ. උන්වහන්සේගේ අවසාන පැය කිහිපය අළලා ගොඩ නැගුනු මෙම චිත්‍රපටිය ඒ වෙනුවෙන් සිංහල උපසිරැසි සමඟම මම ලබා දෙන්න තීරණය කළා.

ගොඩක් අයනම් මේ චිත්‍රපටිය ගැන අහල ඇති. ප්‍රසිද්ධ නළු මෙල් ගිබ්සන් විසින් අධ්‍යක්ෂණය කළ මෙම චිත්‍රපටය IMDB ශ්‍රේණිගත කිරීම් වල ඡන්ද 84,048 ක් මගින් 7.1/10 ක අගයක් ලබා තිබෙන මෙම චිත්‍රපටිය ඔස්කාර් සම්මාන තුනකට ඇතුළු තවත් සම්මාන වලට නිර්දේශ වී ඉන් 17ක් දිනා තිබෙනවා.

මම චිත්‍රපටියේ කොපි වර්ග දෙකකට උපසිරැසි දැම්මා. මොකද වැඩිම සීඩ්ස් තිබුන කොපියේ ඉංග්‍රීසියෙන් hard sub කරලා තියෙනවා. ඒක නිසා සිංහල එකයි ඉංග්‍රීසි එකයි දෙකම පේන නිසා මම ඊලඟට තව සීඩ්ස් තිබ්බ එකකටත් සබ් දැම්මා. හැබැයි ඒ කොපිය බාන්න ටිකක් වෙලා යයි. කැමති එකක් බාගත කර ගන්න.

අවසන් වශයෙන් මෙම චිත්‍රපටිය ඔබ අතට පත් කළේ ඔබගේ රසවින්දනයට මිස අනෙක් කිසිම කාරණයක් නිසා නොවේ. ඉතින් චිත්‍රපටියක් රස විඳිය හැකි අය පමණක් කරුණාකර මෙය බාගත කර ගන්න.

“ඔබ පොළවේ ලුණු ය. ලුණෙහි ලුණු රස නැතිවුවහොත් එයට ලුණු රස කවන්නේ කුමකින්ද?”

ඉතින් ඔබත් ඔබගේ ජීවිතයේ ලුණු රස නැති කර නොගන්න.

“අනුන් ඔබට යමක් කරනවාට ඔබ කැමතිද, ඔබත් ඒ දේම ඔවුන්ට කරන්න.”

එසේම

“අනුන් විනිශ්චය නොකරන්න. එවිට ඔබත් විනිශ්චය කරනු නොලබන්නෙහිය.”

ඔබ සැමට සුබ පාස්කු මංගල්ලයක් වේවා!

ඔය ගොල්ලො බලනවා ඇති බයිස්කෝප් සයිට් එකේ ගියපු මේ ලිපියම ආපහු මේකේ දැම්මේ අහවල් එකටද කියලා. හේතුවක් තියෙනවා. ඒ තමයි ලිපිය අසාධාරණ ලෙස සංස්කරණයට ලක්වීම. මේ ලිපියේ මම සංස්කරණය කරන්න එකඟ වුණේ ඉරකින් කපලා තියෙන කොටස පමණයි. ඒ වෙනුවට පහල කොටස ඇතුලත් කළා.

අවසන් රාත්‍රී භෝජනයෙන් පසු ජෙත්සෙමෙනි උයනේ සිට කරන යාච්ඥාවේ සිට පටන් ගැනෙනා චිත්‍රපටිය ගලා යන අතරේදී මනුෂ්‍යත්වය හා දේවත්වය අතර ඇතිවන ඝට්ටනය මනාව දර්ශනය කරවනවා. ක්‍රිස්තු චරිතය ගැන කියවෙන අනෙකුත් චිත්‍රපටවලට දර්ශනය වෙනවාට වඩා බොහොමත්ම වෙනස් දර්ශණය වලින් මේ චිත්‍රපටිය සමන්විත වෙනවා කිව්වොත් මම හිතන්නේ මම වැරදි නැහැ.

නමුත් අවාසනාවකට එතනින් එහාට තිබෙන කොටසත් වාරණයට ලක් කරනු ලැබුවා. මට දැන ගන්න අවශ්‍ය දේ මේ පහල දැක්වෙන කොටසේ තිබෙන වැරැද්දයි. කරුණාකර කවුරු හරි මට ඒ දෙය කියලා දෙනවාද.

“ඔබ පොළවේ ලුණු ය. ලුණෙහි ලුණු රස නැතිවුවහොත් එයට ලුණු රස කවන්නේ කුමකින්ද?”

ඉතින් ඔබත් ඔබගේ ජීවිතයේ ලුණු රස නැති කර නොගන්න.

“අනුන් ඔබට යමක් කරනවාට ඔබ කැමතිද, ඔබත් ඒ දේම ඔවුන්ට කරන්න.”

එසේම

“අනුන් විනිශ්චය නොකරන්න. එවිට ඔබත් විනිශ්චය කරනු නොලබන්නෙහිය.”

පළවුණු ලිපිය මෙතනින් බලන්න.

Read more…

බයිස්කෝප් සිංහලෙන් හා මම! III


ඔන්න හිතුවට වඩා ලිපිය දික්වේගෙන යන නිසා තුන් වෙනි කොටසත් ලිය වෙනවා. අදනම් ඉවර කරනවමයි. 😛

මුල් කොටස කියවපු අය දෙවෙනි කොටසත් කියවන්න ඇතිනේ…

දෙවෙනි කොටස ඉවර වුණේ මට ලැබුණු වැදගත්ම නිවේදනයෙන් නේ. ඔන්න මමත් අහගෙන ඉඳලා කිව්වා ” මචෝ මම ටයිප් කරන්නේ UCSC real time unicode converter එකෙන්නේ. නිවාඩු දවසේ කොහොමද කරන්නේ? මොකද ගෙදරට ජංජාලේ නැහැනේ ” කියලා. එතකොට තමයි ගුරා මට කිව්වේ ඒ පේජ් එකම සුරැකි කර ගත්තහම නෙට් නැතිවම යුනිකෝඩ් වලට හැරවෙන බව. ඒකමයි කාරිය කියලා මමත් හා කියලා වැඩේ බාර ගත්තා. අපි කරන්න ගත්තේ සයිට් එකේ උපසිරැසි සමඟ දීපු චිත්‍රපටි වලින් දෙවෙනියට දීපු The Shawshank Redemption [1994] චිත්‍රපටියයි. ගුරා හා මම තමයි කරන්න පටන් ගත්තේ. මම අගින් පටන් ගත්තා. පොර මුල හරියෙන් 200ක් විතර ඒ වෙනකොටත් කරලා බලලයි තිබ්බේ. මම ගෙදර ගිහින් පටන් ගත්තයි කියමුකෝ…. ලයින් දෙක තුනක් දාලා ඒක play කරලා බලපුවම ආපු සතුට ගුරාගෙන්ම උස්සපු වචන වලින් කියනවනම් රොම්බ හැපි. 😛

Read more…

බයිස්කෝප් සිංහලෙන් හා මම! II


පළමුවෙනි ලිපිය නැවැත්තුවේ මම බයිස්කෝප් සයිට් එක අඳුනගත්තු තැනින්නේ. අද ඉතුරු ටික…..

මම මුලින්ම පොතේ ගුරා කියන අන්වර්ථ නාමයෙන් සයිට් එක කරන්නේ කවුද කියලා මුකුත් නොදැන උන්නත් මමත් ටොරන්ට් වලින් චිත්‍රපටි බාගත කර ගන්න නිසා උනන්දුවක් දැක්වුවා ලිපි ගැන. ඒත් කමෙන්ට් කරන්න ගියේ නැහැ. මොකද ඒ වෙන කොට මට සිංහල ටයිප් කරන්න එච්චරම හැකියාවක් නොතිබුණු නිසා හා කියන දෙයින් මම චාටර් වෙයි කියලා හිතුනු නිසා.

Read more…

%d bloggers like this: