ටොරන්ට් එකක අවශ්‍ය ගොණුව පමණක් තෝරාගෙන බාගත කර ගැනීම.

සමහර රූපවාහිනී කතාංග අඩංගු ටොරන්ට් මෙන්ම විවිධ චිත්‍රපට අඩංගු ටොරන්ට් වල තියෙන අදාළ නොවන ෆයිල් මඟ හැර අවශ්‍ය කොටස් පමණක් බාගත කරගැනීමට පොඩි මඟ පෙන්වීමක් කරන්නයි මම මේ ලෑස්ති වෙන්නේ. මා භාවිතා කරන්නේ µTorrent හී 3.2.3 සංස්කරණයයි.

මෙම තේරීම සිදුකිරීමට ආකාර දෙකක් පවතින අතර ඒවානම් ටොරන්ට් එක එකතු කිරීමට පෙර තේරීම සිදුකිරීම හෝ එකතු කළාට පසු තේරීම සිදුකිරීම වේ.

තෝරාගන්නා හැම ටොරන්ට් ෆයිල් එකක්ම මෙම තේරීම සිදුකිරීමට යටත් කිරීමට අවශ්‍යනම් එකතු කිරීමට පෙර තේරීම සිදුකිරීමේ ක්‍රියාවලියද එසේ නැතුව මෙය අවශ්‍ය වන්නේ ඉඳහිට අවස්ථාවලදී පමණක් නම් ටොරන්ට් එක එකතු කළාට තේරීම සිදුකිරීමේ ක්‍රියාවලිය තෝරාගැනීම යෝග්‍ය වේ.

පළමු ක්‍රමය

බාගත කරගැනීම පටන් ගැනීමට පෙර අදාළ තේරීම සිදුකිරීම.

අදාළ වරණය ක්‍රියාත්මක කර ගැනීම.

 

µTorrent හී Options -> Preferences -> UI Settings වෙත ගොස් පහත රූපයේ පරිදි අදාළ තැන හරි ලකුණ යොදාගන්න.

Enabling the Option

මීට අමතරව මෙම ක්‍රියාවලිය සිදුවීමට Display විධිය Advanced mode ලෙස එනම් පහත රූපයේ ආකාරයට තිබිය යුතුම වේ.

Advanced mode

පහත දැක්වෙන ආකාරයට Basic mode ආකාරයට පවතීනම් පහළ රූපයේ දැක්වෙන දකුණු අත පැත්තේ තිබෙන බොත්තම මඟින් එය Advances mode අකාරයට වෙනස් කර ගත යුතු වේ.

Must Change to Advanced mode

ටොරන්ට් එකක් එකතු කර ගැනීම.

1) බාගත් ටොරන්ට් ෆයිලයක් Double click කර ගැනීමෙන් හෝ

2) අදාළ ටොරන්ට් ෆයිලය තිබෙන තැන right click කොට copy link address කර ගත් පසු µTorrent හී Add torrent from URL යන තැන තේරීමෙන් ටොරන්ට් එක බාගත කර ගැනීමකින් තොරව එක් කර ගත හැකිවේ.

මෙම ක්‍රම දෙක මඟින්ම පහත දැක්වෙන රූපය මෙන් අදාළ තේරීම සිදු කිරීමට නියමිත තැනට යොමු වේ. එහිදී බාගත කරගැනීමට අවශ්‍ය ගොනු තේරීම මෙන්ම බාගත කරගන්නා ස්ථානය වෙනස් කරගැනීමද සිදුකොට ගත හැක. අවශ්‍ය තේරීම සිදුකොට OK කරන්න.

Add New Torrent

උදා. මෙම 13 GB වන ටොරන්ට් ගොනුවෙන් මා බාගත කර ගන්නේ 806 MB වන එක කොටසක් පමණි.

දෙවන ක්‍රමය.

බාගත කරගැනීම පටන් ගැනීමට පෙර අදාළ තේරීම සිදුකිරීම.

මෙම ක්‍රමය මඟින් කලින් සඳහන් කළාක් මෙන් හැම ටොරන්ට් එකකටම නොව අවශ්‍ය ටොරන්ට් වලට පමණක් මෙම වරණය සිදු කර ගත හැක. එමඟින් හැම ටොරන්ට් එකකටම ඉහළ ක්‍රමවේදය සිදුකිරීමෙන් සිදුවන අනවශ්‍ය ප්‍රමාදයන් වළකා ගත හැක.

Download After Loading

රූපයේ දැක්වෙන පරිදි

1) පළමුව අදාළ ටොරන්ට් එක තෝරාගන්න. එය බෑම නවතා දෙවන පියවරට යෑම වඩා යෝග්‍ය වේ.

2) Files ටැබය තෝරන්න.

3) නැවැත්විමට අවශ්‍ය ගොනුව මත Right Click කරන්න.

4) මතුවන මෙනුවේ Don’t Download තෝරන්න.

ඉහත ක්‍රම දෙකින් කැමති ආකාරයට අදාළ ගොනු පමණක් බාගත කර ගැනීම කළහැකි වේ. මා භාවිතා කළේ µTorrent හී 3.2.3 සංස්කරණයයි. ප්‍රශ්න තියෙනවනම් කමෙන්ට් එකක් දාන්න. 😀