Archive

Posts Tagged ‘Celebration’

සිංහල උපසිරැසි ශතකය.


100_Logoඅද මට විශේෂ දවසක්. ඒ තමා මේ මගේ සියවැනි සිංහල උපසිරැසිය දෙන දවස වීම. සිංහල යුනිකෝඩ් භාවිතයෙන් බ්ලොග් අවකාශයේ දීපු පළවෙනිම උපසිරැසිය දීලා අවුරුදු හතරක් කිට්ටු වෙන්න ගියපු කාලය තුළ දීපු උපසිරැසි ගාන නම් හොඳටම මදි වුණත් ක්‍රියාකාරීව හිටපු සීමිත කාලය හා සමඟ ගත්ත හම තෘප්තිමත් වෙන්න හැකියාවක් තියෙනවා. හැමදාම වගේ ස්තූතිය යන්න ඕනා කමෙන්ට් එකක් ගානේ මාව දිරිගන්වපු විවිධ ක්‍රමවලින් මට ස්තූතිය පළකරන හැමදෙනාටමයි.ඒ වගේම මාව සිංහල උපසිරැසියක් දාන්න වගේම ලිපි ලියන්න බයිස්කෝප් අඩවියට සම්බන්ධ කර ගත්තු පොතේ ගුරාටත් විශේෂ ස්තූතියක් යන්න ඕනා. එදා වගේම අදත් අතින් කයිට් කරගෙන බයිස්කෝප් අඩවිය කරගෙන යන එකටත්, හිට්ස් බලාගෙන ලිපිය එක තැනකත් උපසිරැසිය තව තැනකත් දාලා රස්තියාදු නොකරන එකටත් චිත්‍රපටි ගැන ඇරෙන්න වෙන කිසිම දෙයක් ගැන කතා නොකරන තැනක් වුණත් ලංකාවේ හොඳම අඩවි 100 ඇතුළෙත් රඳවාගන්න සමත්වීම ගැනත් පොතේගුරාට මෙන්ම සහෝදර ඇඩ්මින්වරුන්ටත් ස්තූති කරන්න කැමතියි. ඒ වගේම ලෝකෙට පේන්න බොරු පම්පෝරි නැතුව සහයෝගයෙන් උපසිරැසි දාන කන්ඩායමක් එක්ක වැඩ කරන්න ලැබීම ගැනත් මම අතීශයින්ම තෘප්තිමත්.
Read more…

Advertisements

සිංහාවලෝකනය


කාලෙකට පස්සෙ මේ පැත්තෙ එන්න ලැබුණා. මකුණුදැලුත් බැඳලද කොහෙද 😛 උපසිරැසි පිටුවනම් නිතර යාවත්කාලීන උණත් කිසිම ලිපියක් කාලෙකින් වැටුන් නැති නිසා ආපහු ලියන්න ගන්න හිතුවා. අන්තිම පෝස්ට් එකෙන් පස්සෙ ගෙවුනු කාලෙ ඇතුළත් ජීවිතයේත් බොහොම වෙනස් කම් සිදුවුණා නේ. 😛 මූණු පොතේ යාළුවන් නම් ඒ බව දන්නවා.

කොහොම වුණත් මම බයිස්කෝප් සිංහලෙන් අඩවිය වෙනුවෙන් සිංහල උපසිරැසි නිර්මාණය කරන බව රහසක් නෙවේනේ. ළඟකදි බයිස්කෝප් සිංහලෙන් අඩවිය ලිපි 1000 සම්පූර්ණ කළා වගේම මමත් මගේ 50 වෙනි සිංහල උපසිරැසි ගැන්වීම විදියට හැමෝම බලාගෙන උන්නු චිත්‍රපටියක් වෙච්ච The Avenger චිත්‍රපටියට ලබා දුන්නා. ඉතින් මම තීරණය කළා මේ චිත්‍රපට පනහ උපසිරැසි දැමීමට තෝරාගැනීමට මුල් වෙච්ච කරුණු කාරණා ගැන ලිපි පෙළක් ලියන්න. අද හෙටම ලියන්න පටන් ගන්නම්කෝ.

එතකම් මම බයිස්කෝප් එකට සම්බන්ධ වෙච්ච ආකාරය ගැන මේ තැන්වලින් දැනගන්නකෝ.
බයිස්කෝප් සිංහලෙන් හා මම I
බයිස්කෝප් සිංහලෙන් හා මම II
බයිස්කෝප් සිංහලෙන් හා මම III

එහෙනම් ඉක්මනින්ම හමුවෙමු. ජය෴෴

මානව හිතවාදී අති උතුම් දෙවන ජුවාම් පාවුළු පාප්තුමා.


වර්ෂ 1920 මැයි 18 පෝලන්තයේ ක්‍රැකෝව් ප්‍රදේශයේදී එමිලියා හා වොයිටිල්ලා යුවලට මව්පිය පදවි උරුම කරමින් කැරොල් වොයිටිල්ලා මෙලොව එලිය දිටීය.

Read more…

ඇය


මා ඇයට ආදරයෙන් කතා කල වාරගණනට වඩා බැණ අඬගසපු වාර ගණන වැඩිය. ඇයට කිසියම් දෙයකට මාව අවශ්‍ය වූවත් ඒ හැමවිටම ඒ එම වැඩය අවසන් කලයුතු මොහොත ඉතාමත්ම ආසන්න මොහොතක් වන නිසාම මා ඉතාම කෝපයෙන් යුතුව ඒ වැඩය කර දුන්නත් ඒ කෝපයෙන් නොව මීට වඩා උනන්දු කිරීමට අවශ්‍ය වූ නිසා බව ඔබට සමහර විට වැටහෙන්නට නැත. මට යම් වැඩකට ඇයව අවශ්‍ය විටෙක ඇය මා හට ඒ වැඩය කරදෙන විට, මා කෝපවී කෑ ගැසූ අවස්ථා මතක් වී නිහඬව පසුතැවිලි වුනෙමි.

අද ඔබයි මායි සිටින්නේ ඉතා ඈතකය. පෙරදාටත් වඩා ඔබගේ අඩුව මට අද දැනේ. ඒත් කවදා හෝ ඔබ මා හැර යන දිනෙක විඳින්නට සිදුවෙන දුක අඩුකරගන්නට මේ ඈත් වීම මට උදව් වේ යැයි මා සිතා සැනසුනත් සමහර විටෙක එදාට මට ඔබ ලඟින් ඉන්නට තිබූ දින වලදීද මා ඈත් වූ එක ගැන මට වේදනාවක් දැනෙනු ඇත.

අයියලා, මල්ලිලා, අක්කලා මට නැත. මට ඒ හැම දෙනා වෙනුවටම ඉන්නේ එකම එක නැගණියෙකි. ඒ ඔබය. ඔබ වැනි නැගණියක් ලබන්නට මා වාසනාවන්ත විය යුතුය.

ඔබට සුබම සුබ උපන්දිනයක් වේවා දයාබර නැගණියේ !!!!!!

ඈත් වී සිටීම දුකක් වුවත් ඔබව හා අම්මාව බලන්නට නැවත එන දිනය ගැන දෑස් දල්වා බලා සිටින්නෙමි.

සැමරීමක් නොමැති උපන්දිනය.


අද සැප්තැම්බර් දාසය. මගෙ උපන්දිනය. අවුරුද්දට සැරයක් කේක් එකක් කපලා පොඩි ජොලියක් දාලා මතක හිටින්න ෆොටෝ දෙක තුනක් අරගෙන සැමරීමක් කරන්න……. එහෙමත් නැතිනම් පාටිය අවලංගු කරලා ඒ මුදල් වලින් අනාථ නිවාසයක ඉන්න සහෝදර සහෝදරියන් එක්ක සන්ධ්‍යාවක් ගත කරලා අර්ථවත් විදියට සැමරීමක් කරන්න… මමත් ආසයි. ඒත් අද මම ඉන්නෙ ඒ සැමරීම කරන්න හැකියාව තිබුනත් කිසිම ප්‍රබෝධයක් නැති තත්වයක. ඒකට හේතුව මම අද ඉන්නෙ දුරු රටක යුරෝ හොයාගන්න නොවිඳිනා දුක් විඳිමින් නිසාමත් නෙවෙයි. මම ගොඩක්ම ආදරය කරන මගෙ අම්මා මා අසල නැති එක ගැන තැවෙමින්. නිවාඩුවට ලංකාවට ගිහින් මාස දෙකහමාරක් අම්මා හා නංගි එක්ක ගත කරලා ආපු ගමන් හිතට දැනෙන කාංසිය වචන වලට පෙරලන්න තරම් මම භාෂාව හැසිරවීමේ දක්ෂතාවයක් මට නැහැ.

අම්මා ඇයගේ ජීවිතයම කැප කලේ අපේ පවුලේ විශේෂයෙන් දරුවන් දෙදෙනාගේ අභිවෘධිය වෙනුවෙන්. අම්මා තුල තිබුනු ඒ ධෛර්යය, කැපවීම මා තුල නම් පිහිටලා නැහැ. පොඩි කාලෙ ඉඳින්ම අපිට දුකක් දෙන්න නොවිඳිනා දුක් විඳින්න ඇති. මම සැපසේ පාසල් වෑන් රථයේ නැඟිලා පාසල් යනකොට හැම දාම අම්මා බස් එකේ කොළඹ ගියා රැකියාව කරන්න. අද කාලෙ බස් සේවය වඩා යහපත් තත්වයක තිබිලත් කොළඹ ගිහින් එනවා කියන්නෙ මරණවා වගේ වැඩක්. පැය එකහාමාරක් දෙකක් බස් එකක ඉඳගෙන වුනත් එනවා කියන්නෙ මට මෙහෙම නම්, සතියේ දින 5ක් පුරාවට රැකියාවට යනවා කිව්වම මට අද නම් හිතා ගන්නවත් අමාරුයි. ඒ ගෙදර අනිකුත් වැඩත් කරන ගමන්. ලැබෙන සොච්චම් පඩිය රෝල් ගහලා අපේ අවශ්‍යතා සපුරද්දි මම අනන්තවත් අනවශ්‍ය වියදම් ඉල්ලලා කන්කෙඳිරි ගාපු අවස්ථා අනන්තයි. ඒවා දෙන්න හැකියාවක් නොතිබුනු වෙලාවක මට තරහ ගිය අවස්ථාත් අපමණයි. එහෙම වුනේ මගෙ යාළුවො අත දිගැරලා වියදම් කරද්දි මම කොන්වෙච්ච නිසා වුනත් මගේ කන්කෙඳිරි ගෑම් වලදි අම්මා මොනා හිතන්න ඇතිද කියලා මට අද තේරෙනවා.

මට තාමත් අම්මව නිදහසේ තියන්න බැරි වෙච්ච එකට මම තාමත් හඬාවැටෙනවා අම්මේ. අදටත් අපි වෙනුවෙන් අම්මා විවිධාකාරයෙන් වෙහෙසෙන බව මම දන්නවා. රැකියාවට නොගියත් නොයෙකුත් ආකාරවලින් අම්මා අපි වෙනුවෙන් කරන කැපවීම් මට හොඳට තේරෙනවා. මට ඒ ණය කවදාවත් ගෙවා නිම කරන්න තියා ඒකේ තරම හිතාගන්නවත් නොහැකි වුනත් මම පුලුවන් තරම් අම්මව සතුටින් තියන්න උත්සහ කරනවා. මම ආපහු ලංකාවට එන්නෙ අම්මා වඩාත්ම සතුටු වෙන දේ ඉටුකරන්නයි. ඒ අම්මට හොඳ ලේලි පොඩ්ඩක් ගේන එක. ඉතින් ඒ ගමන එනතෙක් මම සමුගන්නවා අම්මේ. අපි එදාට අද පාටියත් එක්කම සමරමු!

මගෙ උපන්දිනයට සුබ පතන්න එක්වෙන ඔබ සැමට බොහොමත්ම ස්තූතියි. බොහොමත්ම පිං෴

බයිස්කෝප් සිංහලෙන් හා මම! III


ඔන්න හිතුවට වඩා ලිපිය දික්වේගෙන යන නිසා තුන් වෙනි කොටසත් ලිය වෙනවා. අදනම් ඉවර කරනවමයි. 😛

මුල් කොටස කියවපු අය දෙවෙනි කොටසත් කියවන්න ඇතිනේ…

දෙවෙනි කොටස ඉවර වුණේ මට ලැබුණු වැදගත්ම නිවේදනයෙන් නේ. ඔන්න මමත් අහගෙන ඉඳලා කිව්වා ” මචෝ මම ටයිප් කරන්නේ UCSC real time unicode converter එකෙන්නේ. නිවාඩු දවසේ කොහොමද කරන්නේ? මොකද ගෙදරට ජංජාලේ නැහැනේ ” කියලා. එතකොට තමයි ගුරා මට කිව්වේ ඒ පේජ් එකම සුරැකි කර ගත්තහම නෙට් නැතිවම යුනිකෝඩ් වලට හැරවෙන බව. ඒකමයි කාරිය කියලා මමත් හා කියලා වැඩේ බාර ගත්තා. අපි කරන්න ගත්තේ සයිට් එකේ උපසිරැසි සමඟ දීපු චිත්‍රපටි වලින් දෙවෙනියට දීපු The Shawshank Redemption [1994] චිත්‍රපටියයි. ගුරා හා මම තමයි කරන්න පටන් ගත්තේ. මම අගින් පටන් ගත්තා. පොර මුල හරියෙන් 200ක් විතර ඒ වෙනකොටත් කරලා බලලයි තිබ්බේ. මම ගෙදර ගිහින් පටන් ගත්තයි කියමුකෝ…. ලයින් දෙක තුනක් දාලා ඒක play කරලා බලපුවම ආපු සතුට ගුරාගෙන්ම උස්සපු වචන වලින් කියනවනම් රොම්බ හැපි. 😛

Read more…

බයිස්කෝප් සිංහලෙන් හා මම! II


පළමුවෙනි ලිපිය නැවැත්තුවේ මම බයිස්කෝප් සයිට් එක අඳුනගත්තු තැනින්නේ. අද ඉතුරු ටික…..

මම මුලින්ම පොතේ ගුරා කියන අන්වර්ථ නාමයෙන් සයිට් එක කරන්නේ කවුද කියලා මුකුත් නොදැන උන්නත් මමත් ටොරන්ට් වලින් චිත්‍රපටි බාගත කර ගන්න නිසා උනන්දුවක් දැක්වුවා ලිපි ගැන. ඒත් කමෙන්ට් කරන්න ගියේ නැහැ. මොකද ඒ වෙන කොට මට සිංහල ටයිප් කරන්න එච්චරම හැකියාවක් නොතිබුණු නිසා හා කියන දෙයින් මම චාටර් වෙයි කියලා හිතුනු නිසා.

Read more…

%d bloggers like this: