සිංහාවලෝකනය

කාලෙකට පස්සෙ මේ පැත්තෙ එන්න ලැබුණා. මකුණුදැලුත් බැඳලද කොහෙද 😛 උපසිරැසි පිටුවනම් නිතර යාවත්කාලීන උණත් කිසිම ලිපියක් කාලෙකින් වැටුන් නැති නිසා ආපහු ලියන්න ගන්න හිතුවා. අන්තිම පෝස්ට් එකෙන් පස්සෙ ගෙවුනු කාලෙ ඇතුළත් ජීවිතයේත් බොහොම වෙනස් කම් සිදුවුණා නේ. 😛 මූණු පොතේ යාළුවන් නම් ඒ බව දන්නවා.

කොහොම වුණත් මම බයිස්කෝප් සිංහලෙන් අඩවිය වෙනුවෙන් සිංහල උපසිරැසි නිර්මාණය කරන බව රහසක් නෙවේනේ. ළඟකදි බයිස්කෝප් සිංහලෙන් අඩවිය ලිපි 1000 සම්පූර්ණ කළා වගේම මමත් මගේ 50 වෙනි සිංහල උපසිරැසි ගැන්වීම විදියට හැමෝම බලාගෙන උන්නු චිත්‍රපටියක් වෙච්ච The Avenger චිත්‍රපටියට ලබා දුන්නා. ඉතින් මම තීරණය කළා මේ චිත්‍රපට පනහ උපසිරැසි දැමීමට තෝරාගැනීමට මුල් වෙච්ච කරුණු කාරණා ගැන ලිපි පෙළක් ලියන්න. අද හෙටම ලියන්න පටන් ගන්නම්කෝ.

එතකම් මම බයිස්කෝප් එකට සම්බන්ධ වෙච්ච ආකාරය ගැන මේ තැන්වලින් දැනගන්නකෝ.
බයිස්කෝප් සිංහලෙන් හා මම I
බයිස්කෝප් සිංහලෙන් හා මම II
බයිස්කෝප් සිංහලෙන් හා මම III

එහෙනම් ඉක්මනින්ම හමුවෙමු. ජය෴෴

2010 in review

හැමෝටම සුබ අලුත් අවුරුද්දක් කියන ගමන්ම පහුගිය අවුරුද්දේ මගේ මේ බ්ලොග් එක ගැන WordPress අඩවියෙන මට ලැබුණු මේල් එකත් මේකෙම දාන්න හිතුනා. බොහොමත්ම ස්තූතියි හැමදෙනාටම 🙂

බයිස්කෝප් සිංහලෙන් හා මම! III

ඔන්න හිතුවට වඩා ලිපිය දික්වේගෙන යන නිසා තුන් වෙනි කොටසත් ලිය වෙනවා. අදනම් ඉවර කරනවමයි. 😛

මුල් කොටස කියවපු අය දෙවෙනි කොටසත් කියවන්න ඇතිනේ…

දෙවෙනි කොටස ඉවර වුණේ මට ලැබුණු වැදගත්ම නිවේදනයෙන් නේ. ඔන්න මමත් අහගෙන ඉඳලා කිව්වා ” මචෝ මම ටයිප් කරන්නේ UCSC real time unicode converter එකෙන්නේ. නිවාඩු දවසේ කොහොමද කරන්නේ? මොකද ගෙදරට ජංජාලේ නැහැනේ ” කියලා. එතකොට තමයි ගුරා මට කිව්වේ ඒ පේජ් එකම සුරැකි කර ගත්තහම නෙට් නැතිවම යුනිකෝඩ් වලට හැරවෙන බව. ඒකමයි කාරිය කියලා මමත් හා කියලා වැඩේ බාර ගත්තා. අපි කරන්න ගත්තේ සයිට් එකේ උපසිරැසි සමඟ දීපු චිත්‍රපටි වලින් දෙවෙනියට දීපු The Shawshank Redemption [1994] චිත්‍රපටියයි. ගුරා හා මම තමයි කරන්න පටන් ගත්තේ. මම අගින් පටන් ගත්තා. පොර මුල හරියෙන් 200ක් විතර ඒ වෙනකොටත් කරලා බලලයි තිබ්බේ. මම ගෙදර ගිහින් පටන් ගත්තයි කියමුකෝ…. ලයින් දෙක තුනක් දාලා ඒක play කරලා බලපුවම ආපු සතුට ගුරාගෙන්ම උස්සපු වචන වලින් කියනවනම් රොම්බ හැපි. 😛

බයිස්කෝප් සිංහලෙන් හා මම! II

පළමුවෙනි ලිපිය නැවැත්තුවේ මම බයිස්කෝප් සයිට් එක අඳුනගත්තු තැනින්නේ. අද ඉතුරු ටික…..

මම මුලින්ම පොතේ ගුරා කියන අන්වර්ථ නාමයෙන් සයිට් එක කරන්නේ කවුද කියලා මුකුත් නොදැන උන්නත් මමත් ටොරන්ට් වලින් චිත්‍රපටි බාගත කර ගන්න නිසා උනන්දුවක් දැක්වුවා ලිපි ගැන. ඒත් කමෙන්ට් කරන්න ගියේ නැහැ. මොකද ඒ වෙන කොට මට සිංහල ටයිප් කරන්න එච්චරම හැකියාවක් නොතිබුණු නිසා හා කියන දෙයින් මම චාටර් වෙයි කියලා හිතුනු නිසා.

බයිස්කෝප් සිංහලෙන් හා මම I

ගොඩක් අය නොදන්න මගේ සිංහල බ්ලොග් එකේ උපසිරැසි පිටුවනම් නිතරම යාවත්කාලීන වුනත් මුල් පිටුවට කාලෙකින් පෝස්ට් එකක් දාන්න බැරුව බ්ලොග් එක වේලන්න හොඳ නැති නිසා මට හිතුනා ලිපියක් ලියන්න. මොකක් ගැන ලියන්නද කියලා හිතන කොට මට හිතුනා මුල් පිටුවට ලිපි නොවැටෙන හේතුව ගැනම ලිව්වනම් හොඳයි නේද කියලා. ඒකට ඉතින් හේතුව වෙන මොකක්වත් නෙවෙයි. බයිස්කෝප් සිංහලෙන් අඩවිය සමඟ මම අල්ලන අඩව්වනේ. 😛 කොහොම වුනත් අන්තිමේදි කල්පනා කළා බයිස්කෝප් අඩවිය සමග දැනට අවුරුද්දක් විතර වෙන්න කිට්ටු වෙන මගේ ඉතිහාසය කෙටියෙන් ලියන්න.

සුබ අලුත් අවුරුද්දක් වේවා……

2009 අවුරුද්දත් ඉවරයි එහෙනම්. ආපසු හැරිලා බැලීමක් කරන්න හිතුනා. මේ අවුරුද්ද පටන් ගත්තේ නම් අමුතුම විදියකට. කතාවක් තියෙනවනේ ජනවාරි පලවෙනිදා සල්ලි අතින් යන්න හොඳ නෑ කියලා. හැබැයි මට නම් අතින් ගියා. හැබැයි අවුරුද්ද පුරාවට ගත්තහම මට මුදල් නැත්තම් රැකියාව අතින් 2008 ට වඩා ස්ථාවර වෙන්න පුළුවන් වුණා. හැබැයි පෞද්ගලික ජීවිතයේ නම් යම් පසු බෑමකින් තමයි අවුරුද්ද පටන් ගන්න සිද්ධ වුණේ. ඒත් දැන් නම් එවා අමතක කරලා දාලා ඉන්නේ. 🙂

මේ අවුරුද්දෙ සිද්ධ වුණු ලොකුම පෙරළියක් තමයි සිංහල යුනිකෝඩ් ගැන ඒ වගේම සිංඩිය ගැන දැන ගන්න ලැබීම. ඊට කලින් සිංදුවක් අහන්න අන්තර්ජාලයෙන් චැට් කරන්න විතරක් හුරු වෙලා හිටපු මම දැන් බ්ලොග් එකක් ලියන්නත් පුරුදු වුණා. චැට් රූම් පැත්ත පළාතක යන්නේ නැහැ. ඊට වඩා සින්ඩියේ තියෙන බ්ලොග් වල ලියවෙන දැණුම් සම්භාරයෙන් ධනවත් වීම වැඩදායකයි. ඒ වගේම මට හොඳ යාලුවන් කිහිප දෙනෙකුත් අඳුන ගන්න ලැබුනා. විශේෂයෙන්ම දැන් බ්ලොග් අවකාශයේ මාව වැඩි දෙනෙක් දන්නේ බයිස්කෝප් අඩවියට උපසිරැසි සහිතව චිත්‍රපටි දෙන කෙනා විදියටනේ. ( මගෙ බ්ලොග් අඩවියේ වුනත් වැඩිපුර කමෙන්ට් වැටිලා තියෙන්නේ සිංහල උපසිරැසි පිටුවටනේ ) 🙂 ඒකෙනම් සම්පූර්ණ ගෞරවය යන්න ඕනා පොතේ ගුරා සහෝදරයට තමයි. ඒ වගේම සරදියෙල්, ඇන්ත්‍රැක්ස්, පිස්සා, සොඳුරුසිත, ගෝලයා, දුකා, වගේ බොහෝ දෙනෙක්ව අඳුනගන්න ලැබුනා. (හදිස්සියෙන් ලියන නිසා නම් නොලියවුණු අය තරහ වෙන්න එපා හොඳේ)

ඉතින් සමස්තයක් විදියට ගත්තහම සාර්ථක වසරක් කියලා හඳුන්වන්න පුළුවන්. එහෙනම් ලබන්නාවූ නව වසර සුබම සුබ අලුත් අවුරුද්දක් වෙන්න කියලා ප්‍රාර්ථනා කරනවා හැමෝටම. ජය වේවා !!!!!!